🔈អធិការដ្ឋាន នគរបាលក្រុងព្រះសីហនុ សូមជូនដំណឹងដល់ប្រជាពលរដ្ឋរស់នៅក្នុងក្រុងព្រះសីហនុ ដែលបានបាត់ រឺដាក់បញ្ចាំ ម៉ូតូកន្លងមក អញ្ជើញមក ត្រួតពិនិត្យមើលរកម៉ូតូរបស់ខ្លួន នៅអធិការដ្ឋាននគរបាលបាលក្រុងព្រះសីហនុ ចាប់ពីថ្ងៃនេះតទៅ។

ក្រុង-ខេត្តព្រះសីហនុ ៖ នៅថ្ងៃទី០៩ ខែវិច្ឆិកា ឆ្នាំ២០២៣ ដោយមានការដឹកនាំបញ្ជាពី ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរងនគរបាលជាតិ និងជាស្នងការនគរបាលខេត្តព្រះសីហនុ និងមានការសម្របសម្រួលផ្នែកច្បាប់ពី ឯកឧត្តម សៀង សុខ ព្រះរាជអាជ្ញា នៃអយ្យការអមសាលាដំបូងខេត្តព្រះសីហនុ​ អធិការដ្ឋាននគរបាលក្រុងព្រះសីហនុ បានចុះប្រតិបត្តិការបង្រ្កាបករណី លួចមានស្ថានទម្ងន់ទោស(កាច់បំបែកសោរ លួចម៉ូតូ) ចំនួន ០៣គ្រឿង ស្ថិតនៅមុខបន្ទប់ជួល ក្រុម៣៧ ភូមិ៥ សង្កាត់លេខ៤ និងទីតាំង ជាច្រើនទៀតក្នុងភូមិសាស្រ្តក្រុងព្រះសីហនុ ព្រមទាំងជនសង្ស័យ ចំនួន០២នាក់ ជនជាតិ ចិន ដែល ជាអ្នកទទួលផលចោរកម្ម​ យ៉ាងសកម្ម។

ក្រោយ​ពីធ្វេីការសាកសួរ​ លេីជនសង្ស័យចំនួន​ ០៤នាក់ខាងលេីនិងស្រាវជ្រាវ​ រហូតដល់សមត្ថកិច្ចបានធ្វេីការឆែកឆេរទីតាំងទទួលបញ្ចាំម៉ូតូចំនួន០២ទីតាំង​(ផ្ទះជួល​ ទួលខ្សាច់​និង​ ម្លប់តាប៉ាង)​ សមត្ថកិច្ច​រកឃេីញនិងដកហូតវត្ថុតាងរួមមាន ម៉ូតូចំនួន ៤៨គ្រឿង​យកមករក្សាទុកនៅអធិការដ្ឋាននគរបាលក្រុងព្រះសីហនុ​ ដេីម្បីធ្វេីការស្រាវជ្រាវរកម្ចាស់ម៉ូតូ។

ដោយមានការយកចិត្តទុកដាក់ ពី​ ឯកឧត្ដម​ គួច​ ចំរេីន​ អភិបាល​ខេត្ត​ព្រះសីហនុ​ នៅព្រឹក​ថ្ងៃទី០៩​ ខែវិច្ចិកា​ ឆ្នាំ​២០២៣​ ឯកឧត្ដម​ អភិបាល​ខេត្ត​ បានអញ្ជើញមកអធិការដ្ឋានផ្តល់អនុសាសន៍ មួយចំនួនដល់ប្រជាពលរដ្ឋ រស់នៅក្នុងក្រុង-ខេត្តព្រះសីហនុ អោយមានការយកចិត្តទុកដាក់ថែទាំ ទ្រព្យសម្បត្តិរបស់ខ្លួន អោយបានល្អ និង បាននាំយកថវិកា​ ចំនួន​ ១០លានរៀល​ ឧបត្ថម្ភ​ ដល់​ កងកម្លាំង​របស់អធិការដ្ឋាននគរបាលក្រុងព្រះសីហនុ​ ដែលមានស្នាដៃក្នុងការបង្រ្កាប​ ជនសង្ស័យ​ ទាំង០៦​ នាក់ខាងលេីដែលបានធ្វេីសកម្មភាព​ លួចម៉ូតូ​ និងទទួលផលយ៉ាងសកម្មក្នុងភូមិសាស្រ្តក្រុងព្រះសីហនុ​ នាពេលកន្លងមក​។

បច្ចុប្បន្នជនសង្ស័យ ចំនួន ០៦ ខាងលើ អធិការដ្ឋាន បានកសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តព្រះសីហនុ ដើម្បីចាត់ការតាមនីតិវិធី ៕

🔈អធិការដ្ឋាន នគរបាលក្រុងព្រះសីហនុ សូមជូនដំណឹងដល់ប្រជាពលរដ្ឋរស់នៅក្នុងក្រុងព្រះសីហនុ ដែលបានបាត់ រឺដាក់បញ្ចាំ ម៉ូតូកន្លងមក អញ្ជើញមក ត្រួតពិនិត្យមើលរកម៉ូតូរបស់ខ្លួន នៅអធិការដ្ឋាននគរបាលបាលក្រុងព្រះសីហនុ ចាប់ពីថ្ងៃនេះតទៅ។